ABRA Arabako Errioxako Upeltegien Elkartea

Mahastizaintza eta enologia

Arabako Errioxako ardoaren nortasuna eskualde honek mahastigintzan aritzen diren beste eskualde batzuen aldean dituen berezitasunei zor zaie: alde batetik, ezaugarri klimatiko, edafiko eta barietalengatik, eta, bestetik, mahastiaren zainketa sofistikatua eta ardogintza metodo bereziengatik. Hurrengo lerroetan Arabako Errioxako mahastigintzaren berezitasun horietako batzuk ezagutuko ditugu eta, gero, eskualdeko udalerrien deskripzio agronomiko labur bat egingo dugu.

Arabako Errioxako mahastigintzaren eta enologiaren berezitasunak

Eskualde hori trantsizio atlantiko-mediterraneoko inguruan dago, eta horrek eguzki eta ur kopuru nahikoa bermatzen die mahastiei. Kantauri Mendikatearen hegaletan kokatutako mahasti horiek hegoaldera begira daude, eta horrela udako argitasun guztia aprobetxatzen dute. Batetik, integral heliotermiko oso altua du latitude hauetarako, eta, bestetik, mahastien % 90 Tempranilloa bezalako binifera goiztiarra da; bi faktore horiei esker, mahatsaren heltzea bikaina da.

Mahastigintzarako bokazio handia duen lurzoru pobrea da; eskualdean nagusi den "kanbisol kaltzikoa" izeneko lurzoruak batez besteko errendimendu moderatuak dakartza, bost mila eta sei mila kilo mahats hektareako. Datu hauek fruituaren kalitatearen adierazle dira.

Nekazari oso profesionalak dira lur hauek zaintzeaz arduratzen direnak, mendeetan ari dira mahastigintzan, eta ondo baino hobeto ezagutzen dute jarduera hori. Urtean landare-osasunerako produktuetan dirutza gastatzen dute, baita laborantza tekniketan ere. Azken hori gure mahastizainen artean nagusi den filosofiaren ondorioa da, "mahastia lorategi bat balitz bezala zaindu ezazu".

Ezaugarri horietako batzuk zehatz-mehatz aztertuz gero, ulertuko dugu zergatik den Arabako Errioxa, planetan, mahastigintzarako eta ardogintzarako bokazio handienetakoa duena:

  • Klima lehor eta eguzkitsua. Klima da faktorerik garrantzitsuena, berak azaltzen bait ditu toki desberdinetako ardoen artean dauden desberdintasunak.

  • Lur podre eta kareharrizkoetan barrena lurperatzen dira mahastien sustraiak, beharrezkoak dituzten elikagaien bila hedatuz, eta sustraiak oso lehorrak diren lurretan ere haz daitezte.

  • Vinífera bikain. Mahasti ekosistema osatzen duen "ingurune/landare" binomioan, bigarren faktoreak garrantzi handia du. Vitis vinifera barietate bakoitzak beharrizan desberdinak ditu argiari eta beroari dagokionez, zikloa osatu ahal izateko eta mahatsa guztiz heltzeko. Horrela, habitat zehatz batean, beharrizan gutxien duten landareak goiztiarragoak izaten dira eta lehenago heltzen dira.

  • Kalitatezko ardogintza: tradizioa eta teknologia. Ardoa, aintzinan gertatzen zen bezala, lurraren eta eguzkiaren seme deritzo, baina ezin dezake inork uka gaur egun ardo on bat ekoizteko gizakiaren laborantza eta teknikak beharrezkoa direla goi mailako ardoak sortzeko.

Arabako Errioxaren bokazio enologikoaren inguruan gehiago jakin nahi baduzu, "Arabako Errioxako deskribapena" izeneko txostena jaisteko aukera eskaintzen dizugu:

icon Arabako Errioxan mahastizaintza eta enologia (1.1 MB)


Kategoria hau baino gehiago: « Kokapena eta Ingurunea

Tweet HTML

Informazio legala